KRENNLAVAR BREIZH
Degemer matE Landevenneg, e Gourenez Kraozon, eo lec’hiet Breizh Odisea, m’emeur oc’h ober labourioù bremañ. E bal eo dont da vezañ ur gwir boent gwriziennañ, eskemmañ ha treuzkas evit Breizh dec’h hag hiziv.
E 2023 e tigoro ar greizenn-displegañ liesdoare-se dorioù glad, sevenadur hag istor Breizh. Adalek mojennoù Breizh en ur dremen dre brantadoù bras Istor Breizh, betek bed an holl draoù a c’haller ober evit Breizh a vremañ, Breizh Odisea a ginnig deoc’h soubañ e-barzh !
Etre soubañ e sevenadur Breizh a-hed an oadvezhioù hag ur raktres desavadurel, deuit ‘ta da ober anaoudegezh gant 4 lec’h gweladenniñ dre soubidigezh, ur preti hag a sko war vorlenn Brest pe c’hoazh ur boutikl dibar… Prometiñ a ra Breizh Odisea lakaat an holl Vretoned a orin pe a galon, an dud tik ganti pe an dud kurius da vevañ un taol-arnod ha ne vo ket ankounac’haet ganto !
Grit anadoudegezh gant istor ha sevenadur breizh
dec’h, hiziv ha warc’hoazh !
E dornaodoù, e zraezhennoù, e liv glas, e varradoù-avel hag e brantadoù sioulder bras.
E gontreoù glas, e goadeier, e vein, e venezioù, e aberioù, e stêrioù hag e vaeoù.
E arlivioù pers-glas, e heol, e daolioù-arnev gant o nerzh, e stered hag e gredennoù.
He gwengeloù, ma ren he roueed, he duged, he sent hag he harozed da virviken.
He saverien meurvein, he merdeidi hag hec’h ergerzherien, he martoloded hag he feizanted, hêred ha saverien hon douar.
Gwriziennet-mat hag awenet gant hon istor, krouomp a-gevret Breizh warc’hoazh ha diskouezomp d’ar peurrest eus ar bed kened ha meurded hor glad, hon istor hag hor sevenadur.
